Gweledigaeth Sir Gaerfyrddin 2020
Ardal amrywiol yw Sir Gaerfyrddin – yn ei chymunedau, yn ei diwylliant, ei hamgylchedd, ei chyfansoddiad economaidd. Cymysgedd cyfareddol o’r trefol a’r gwledig, amaethyddiaeth a diwydiant ysgafn, lleoedd glan môr, ardaloedd ag anghenion cymdeithasol, trefi marchnad gwasgaredig a medrusrwydd mewn chwaraeon. Lle llawn cyfleoedd yn ogystal â heriau.
Lle Gwell... Yr Amgylchedd – gwella’r byd o’n cwmpas, heddiw ac ar gyfer yfory. Mae aer a dŵr glân ac amgylchoedd deniadol yn gwneud i bobl deimlo’n well hefyd. O ailgylchu deunyddiau i wella golwg lleoedd, o gadwraeth bywyd gwyllt i fwynhau’r byd naturiol. Mae’r ffordd yr ydym yn defnyddio’n hadnoddau heddiw yn effeithio ar ansawdd bywyd yfory.
Teimlo'n Dda…
Iechyd a Lles – mynd i’r afael ag achosion afiechyd trwy edrych ar fywyd yn ei grynswth. O wella’n cartrefi a’n bwyd i hamdden a chwaraeon, i adeiladu ar y gwasanaethau a all roi annibyniaeth i ni a’n hailfywiogi, iechyd yw’r angen mwyaf sylfaenol ohonynt i gyd. Mae pobl iach yn arwain at gymunedau iach.Agor Drysau…
Dysgu Gydol Oes – helpu pawb i gyflawni ei botensial, o fore oes hyd ddyddiau henaint. Gwneud yn fawr o fywyd. Cynnig cyfleoedd i gael sgiliau a diddordebau newydd ac i wynebu heriau newydd. Gall olygu addysg a gwaith a diwylliant. O ddysgu am y byd o’n cwmpas i ddefnyddio’r we fyd-eang.Buddsoddi ac Arloesi…
Adfywio – adeiladu adnoddau, creu cyfleoedd a chynnig cymorth. Rhoi popeth yn ei le ar gyfer ffyniant yn y dyfodol. Sicrhau bod yr adnoddau’n iawn, creu’r agoriadau a rhyddhau menter naturiol ein pobl. Rhoi i gymunedau y grym a’r cyfleoedd i gyflawni eu potensial llawn.Teimlo'n Ddiogel…
Cymunedau mwy Diogel – cynnig diogelwch, delio â throseddu ac ofn troseddau, ein helpu i warchod ein gilydd. Mae teimlad o ddiffyg diogelwch yn tanseilio ein hyder ac yn dwyn ein hasbri. O ffyrdd heb ddamweiniau i amddiffyniad rhag troseddau ac ymddygiad gwael. Adeiladu ar ein traddodiadau o gynhesrwydd a chymorth i’n gilydd. Helpu i amddiffyn ein plant fel ein bod ninnau’n teimlo’n fwy diogel hefyd.
